話說小弟上年
其實都大半年前
同女朋友心血來潮就搞左個配對網
（迷之聲：姻緣丫？交友？）
都唔係，係補習導師配對網
（迷之聲：車。。出面大把啦）
咁我地都知
所以我地都想同出面有d唔同
就係搞特殊教育，仲不特止
仲要係免費既配對
係咪好唔同先
今日，總算「守得雲開見月明」
不過就表示不能再「落得閒清過日晨」
叫做成功配對到
個導師仲強調左幾次真係唔收費？
真係唔收費
講真，聽得太多出面既補習中介網食水深
我地都好明白呢d都係導師既血汗錢
所以就索性唔收費
亦藉此機會，慢慢做大佢
其他配對過程唔算快
其一係導師人數唔夠多
其二係兩邊夾
（迷之聲：咁咪好意白做？）
係架，之前有幾單都係食白果
唔係導師唔得，就係家長唔ok
不過唔緊要啦，欲速則不達
係有限成本之下，係咁上下
鬼叫我地唔識人咩
唔可以大肆宣傳開去搵人登記
共勉之。。。。
情人節？
唔特別，特別既係情人節過兩日
因為係我女友既生日
我BOOK左間LUNCH BUFFET
既抵食又好食
女友食得好滿足
因為有佢鐘意既生蠔
仲話食返夠本
睇見佢咁都幾開心
年年都新年
無咩特別
不過今年唔同，話說小圈子有人榮升人夫
我地小圈子眾人就緊係去拜個早年
9點係咪早先
同埋我亦趁住呢個機會帶埋女友去
順便正式介紹俾小圈子認識一下
大家相處都唔錯
我都好開心
之後本來想去林村許願樹見識一下
不過因為太多人同塞車
所以就無去到
改為去MEGA BOX
我就最鐘意行路
呢個世界除左有人肯陪自己食M記既人
仲肯陪你長途跋涉既人
就更值得珍惜
其實最令我欣慰既係
今日既小插曲無放係心
溫室小花慢慢地茁壯成長
玻璃都變強化玻璃
太好了～太棒了
勁開心
今次係第二次同女朋友行維園年宵
年廿九去行年宵有兩個目標
第一個係行下拍下拖咁
第二個目標就勁囉
就係睇下有咩賣，有咩好賣，同埋咩咁好賣
因為我同女友有個想法係投個年宵試下
所以去了解一下
好老實講
今年啲貨重複率高過上年
同埋少左啲上年既特色檔
所以要認真諗諗要賣咩先有得賺
號外，我女友終於唔怕見我啲朋友
直情係行出左宇宙一大步
事緣是咁的
我最熟果幾個大學同學離開香港一段時間
所以唔再租原本果度
咁我就幫佢地搬屋
咁女友就想幫埋手
非常好
KEEP GOING～YEAH～～～～～～～
