Printer開箱

話說早兩日拎左新玩具玩屋企玩

佢有個贈品既

當初就揀左HP Officejet 5740 All-in-One既printer

係一個有得無線打印，有fax既printer

咁我當然將呢部咁正既printer送俾女友

因為佢printer既需求俾我大

我自己就好少印野既

佢就會印下notes，印下自製planner既素材咁

咁佢舊果部printer又壞壞地wo

咁就岩晒啦










































由於時間關係

我一早就去排定隊

換領中心未開門我就已經排定係度

為左可以第一時間拎去女友屋企安裝

咁其實無咩配件，得usb線同火牛

所以唔逐一影了

咁跟機有兩個墨盒，一個彩色一個黑白

（個包裝都幾似EDO餅乾，最少我拆墨盒包裝果時真係好似）

（要J就J部機，唔好J本人所以我cut左本人)

人機合一

其實都大部同唔輕

咁就一切安放就緒

係時候入埋墨盒就搞掂

後記：聽講遲d要幫printer整連供墨

提早聖誕大餐

今日同女友大家都放假
同埋有共識唔想係正日俾貴d去食大餐
所以就今日出發食聖誕大餐

話說早幾日知道page one開倉
就諗住今日都順便去睇啦
山長水遠去到個倉到
點知話要拎籌先入得
仲要一早就已經派晒籌
原來好多人都同我地一樣來到知呢個安排
搞到失望而回

但好彩，早有plan b
就轉戰沙田新城市廣場行街街同埋食大餐
咁行完一輪之後
肚仔餓就去左「意粉屋」食大餐
因為有匯豐信用卡既關係
又岩岩趕到12月15日前食

• 以港幣398元享用710克星級醬燒珍寶原條豬仔骨．脆薯條．意大利黑醋番茄沙律2人套餐（一般零售價：港幣630元）

是咁的

個大餐都幾濃味，食得好開心

我就自己唔識調咖啡，搞到調左杯「地獄咖啡」，好怪既味道

一開始係「龍蝦湯」真係有料係入面，唔係純粹湯水

之後就係來左個「意大利風乾火腿‧蘇格蘭煙三文魚伴意大利黑醋沙律 Italian Prosciutto ham • Scottish smoked salmon with Balsamic vinegar salad」
都係好野味，唔錯唔錯
女友食得津津有味

之後就係「蘇格蘭煙三文魚帶子特色飯 Rice with Scottish smoked salmon and scallop」
都係好正

再之後係重點「710克星級醬燒珍寶原條豬仔骨‧脆薯條‧意大利黑醋番茄沙律† 710 g Classic barbecued premium baby back ribs served with French fries and tomato salad with Balsamic dressing」
超濃超野味，我就切開一舊，初頭食都幾「呢hea」
之後諗到，都係直接起骨，起晒d肉出來
咁就啖啖肉，我地兩個都食得好開心
今餐提早既聖誕大餐真係唔錯

璃光星河

提早食完聖誕大餐之後去左
沙田新城市廣場7樓既璃光星河
又真係幾靚
好多人係度觀賞同影相
佈置都好靚
大家有時間可以去睇下

新玩具

話說我好耐都無正式買玩具俾自己
幾年之前就係相機鏡頭
到依家就係Macbook Pro（Late 2016）
話說我前篇先笑完新Macbook Pro
依家就買左
不過購買過程一啲都唔易
我係經女友 透過大學notebook計劃買既
原本就11月25號到貨既
點知就delay到佛誕
12月13號先有貨
遲左3個星期

咁今日就去現場拎貨啦
我手機唔夠wide影唔晒
目測有50人左右

 排左半個至一個鐘左右就到我拎
我就問佢delay係咪有賠償
佢就入房拎
現場應該唔係好多人有拎
因為我拎果時佢先問同事有無compensation既印仔
咁大約就拎左呢幾樣野


左上係macbook pro
上中係usb type－c轉usb type－a （贈品來。。希望唔好咁易壞）
右上係printer redemption coupon＋買指定蘋果產品既優惠券
左下係電腦袋
右下係moon貼一張（不過我無貼）

咁開左盒就係一個好似放大版既ipad同iphone咁擺位

咁跟機就有usb type－c既充電線同一隻牛
但好衰唔送延長線
以前係會送既
延長線有咩用？
主要用途係接地線，將靜電帶走
咁充緊電用果時唔會咁易俾靜電電親
唔用延長線，係好大靜電

堅係好薄
比我以前macbook late 2008版薄左同輕左

一打開就自動開機
係架，macbook唔主張關機
所以佢係for你唔用果時係合埋個蓋就算
要用就直接打番開就得
唔使好似windows咁每次都要開機同關機

之後就係設定部macbook啦
大家唔好誤會
唔係個mon有事
而係我未拎走張紙
新機落地既基本保護

咁set好晒就係大家最熟悉既畫面出現鳥

我揀既config係13吋8g ram 512ssd
點解唔揀15吋16g ram？？又有獨顯又i7 cpu點睇都勁d
問得好
主要係因為我自己desktop都已經夠都係i7 cpu 16g ram等等
所以notebook唔需要用到咁勁
夠用就好，最緊要出入方便

擺落女友之前有先見之明既靚靚背包就岩岩好啦
you see？

都係屬於簡約設計既日系相機＋notebook 雙用背包













































咁我今日大約試左兩個鐘，check下死點光點之類
check下開關機有無網上d人講果d「花mon」
wifi有無無神神斷
so far依家都算正常
無咩異常

毒男脫毒篇

話說早排大同俾左張uniqlo現金券我

但要7號前用左佢
咁就同好鬼忙既女友急急忙忙去左Uniqlo幫我揀衫褲
一去到就瘋狂拎左好幾件衫褲試

講真，咁大個仔，今次算係真正既外表脫毒

因為有私人形象顧問(我女友)

幫我執正個look

佢話我平時太毒～哈

有啲衫仲著到我好似阿叔喎

之後鎖定左幾款褲同衫

最後買左兩條褲

(女友幫手揀，超正～)

==================================

之後陪女友去眼鏡直銷工場買隱形眼鏡

女友話我粗方框眼鏡其實唔襯我，不如順手幫我揀埋眼鏡

最初想揀無框金絲眼鏡

不過又試下圓框

睇落仲正

最後幫我揀左副圓形粗框脫毒

依家成個look唔同晒

有呢種女友真係無得輸

佢知我怕買貴野，都肯陪我係平價到揀岩我既衫

正爆～～～

說好的「生態ECO」一體化呢？

相信大家都已經大約睇過New MacBook pro （late 2016）
發佈會岩岩完左
驚喜無咩特別..相對微軟既創新來講

不過今次我想講既....
丫...唔係..係想笑既就係...

iPhone取消左3.5mm耳機插頭...
得lightning既充電/數據傳送頭...
而頭既另一邊係普通USB頭..
依家新既MacBook pro留番3.5mm耳機頭..
無左傳統既USB頭 ..得番USB type-C「thunderbolt3」..
簡單講...iPhone唔可以直接插新MacBook pro充電或資料傳送..
要用「轉頭」轉插先得...
（唔好同我講USB type-C「thunderbolt 3」唔係USB丫！？）

你大我都無用..
自家既設備都唔可以直接共享..
要用「轉頭」轉插...
說好的「生態ECO」一體化體驗呢？！



利申：講到尾係因為我窮..買唔起...新版比舊版貴成4千蚊

所以笑完啦...大家可以番埋位坐..繼續做自己野

預祝生日

 女友平時就好忙既..
因為除左番學之外..
仲有好多個補習學生..
所以就算係星期六日佢都忙

但係今日..
佢突破出現左係我公司
仲拎住個蛋糕...
嘩....SO SWEET
個水蜜桃蛋糕既甜味
完美咁反映到果種後現代浪漫主義既
精髓同埋SWEET程度
簡稱甜到漏

呢種女友真係無得輸
超幸福

你地就唔恨得咁多

相識一年

話說一年前我係高登機緣巧合之下識左依家既女友
岩岩識果時無諗過拍拖
不過識耐左，發現我地無所不談
上至天文，下至地理，左至過去，右至將來
就係咁，短短幾個月就成10萬msg既來往
真係好誇張
所以我就覺得呢個就係我要搵既人
因此我覺得太岩傾，又太好傾
作為人生既伴侶當然係要岩傾
唔通大家一齊dead air先過到人世咩
大家話係咪先

由最初一齊果時
大家既價值觀同睇法都好唔同
到依家慢慢大家既睇法同價值觀都互相拉近
真係要唱番首
「繁星流動 和你同路 從不相識 開始心接近 默默以真摯待人」

大家都為段關係慢慢同默默咁付出
呢種感覺真係好正
大家會一齊諗同傾唔同既話題
不論係事實或幻想出來既
都會無間斷咁傾
佢番學得閒又會傾，我番工得閒又會傾
簡單來講「無得輸」

雖然雙方都未真正見家長
不過雙方既屋企人都知道雙方既存在
初步大家既印象都唔錯
咁我又可能少擔心將來見家長會有唔好既印象啦
老實講，我係呢方面都算自卑
我以前會覺得去見家長果時，俾人問會問到口啞啞
我果時會覺得見得家長都應該要事業有成
一入屋，就可以俾家長既感覺係可能將個女交俾我咁
成件事係幾咁幸福
依家既初步印象可以俾我諗少左之前既「多餘」諗法

話咁快就識左一年
真係好想繼續行落去
「人生有幾多個一年」
你地一定會答「好多個」
無錯，我唔會話你地錯
不過「好多個」一年都可能係無意義既
例如混混噩噩咁過左好多個一年
咁咪唔得囉，我之前就係咁
依家既相識一年為我人生寫下左新既一頁
係光輝一頁既開始
（迷之聲：有無咁誇張丫？？？？？）
一啲都唔誇張
大家可能慢慢睇住呢d光輝點樣一頁一頁咁寫落去

大家準備好太陽眼鏡未？










































































你地以為有野睇咩？？
無wo唔好意思

2016年高登電腦節(開箱文)

原來我都好耐點行過高登
對上一次係幫女友砌電腦

今次適逢「高登電腦節2016」
就同女友乘機去高登走一轉
唔講你唔知，其實我女友都係一個硬件控
比我有過之而無不及
不過今次佢無野睇中

咁我地去之前第一時間就下載定個APPS叫「CHOICES」
下載來做咩？？緊係要來攞著數啦
因為可以有一次免費既抽獎機會
最貴有免費價值$1999既平板電腦
但我地去到果時啲貴野都比人抽得7788
最平既有「衣夾」，20蚊COUPON，芭蕉扇，自拍神棍等

我同女友都個自抽到野
佢抽到32GB既記憶卡
我抽到80蚊COUPON

咁有80蚊可以洗無理由唔用左佢架
咁就入腦場走一轉
場內又真係唔算好多人
咁最後我就揀左個GAMING KEYBOARD＋MOUSE既套裝
扣左80蚊COUPON，幾十蚊就有交易，都唔錯

P・S
我就係用緊個GAMING KEYBOARD＋MOUSE來打呢篇開箱文
手感唔錯

個型號係MARVO既KM400

個KEYBOARD總共有114粒制
比傳統101粒制多左啲FUNCTION KEY
當然，如果你平身買既KEYBOARD都有FUNCTION KEY既話
咁呢個KEYBOARD就係有背光燈
有3隻色可以變（紅、藍、紫）

再講一講隻MOUSE
同傳統MOUSE唔同既地方係佢有6粒制
制多左，聽講對打機好有用
因為隻右手唔在浪費左只限於RIGHT CLICK LEFT CLICK
而可以禁多幾樣野
另外就係個靈敏度會高啲（當然你唔想太快亦可以SET速度）
何謂靈敏度，就係你郁幾多佢相對地可以走幾遠
靈敏度越高，MOUSE既指標相對地係個MON度會走動範圍越大

當然唔少得有7色漸變燈啦



今日既開箱文係咁多
多謝大家收睇

情其實哪可分勝負

今日收工收到女朋友既一句「點解你唔氹我既」
我第一時間就係諗「好地地氹咩？」
無錯，我承認非必要關頭都好少去做一啲我個人認為唔需要做既野
例如上面既例子
咁當然我女友，怎至絕大部分女仔都想男友經常氹下自己(不論多多少少)

再之後就既對話就係一堆似曾相識既說話
無錯，就係一堆埋怨既說話
去呢個位
我腦海中諗起一件事
就係「當一個人不斷埋怨另一個人既時候」
感情就係變質之時
A·可以係佢已經慢慢唔再鐘意你
B·可以係佢鐘意你，但依家既你唔再係佢想像中既你

C·亦可以係一段感情昇華既前奏
就係佢非常緊張你，有種「恨鐵不成鋼」既感覺（讀呢幾個字既時候不妨可以試下擴大音域高低八度接近走音，會更有效果）

呢種變質好極端丫可
係架，我都差啲奶野
好多人出事都係呢啲位

就係對方不斷埋怨既時候，你按捺不住
就會睇準機會爆SEED
爆SEED過後，當然到處都係死灰
一段感情從此就畫上句號

小弟都係人，都會犯人犯既錯
不過我無爆SEED
而係不斷係「火藥引」到搵位剪斷佢，等佢唔好爆
但同時我又會係「著緊火既火藥引」上面煽風
令佢加速燃燒
（迷之聲：你究竟知唔知自己係度做乜架？？）
其實我果刻唔知自己做乜，好似玩火咁
點解我會不斷拆彈，同時又不斷加速去燃燒呢

我感性上好想去拆彈，唔好爆，因為我在乎呢段感情，不斷去用唔同方式拆
但理性上又好想去引爆，因為不斷既埋怨，果刻我只諗到上面的A或B
早啲引爆，可能係對對方最好既解脫，最少「SEED已爆，怨已埋(藏）」

最後係我不斷又拆彈又煽風既時候
俾我搵到原來炸彈除左表面睇到既「紅線」同「藍線」之外
放係「紅線」後面仲收埋左一條好幼好幼既「金屬線」
不論剪「紅線」或「藍線」其實最終都會即爆
不過最後剪左「金屬線」，炸彈係呢一刻停止左倒數，總算安全移除

大家一定好想知
咁條「金屬線」最後係咩來？
其實就係女友講咁多野都係想嗲下我，緊張下佢

係咪好可愛呢


P・S：不過呢種炸彈真係少啲心血都拆唔到

屋企既觀眾唔好亂試，要男女雙方經過長時間訓練先得

付出

大道理我唔識
但我只知道兩個人相處要維繫感情
必須係雙方都要「付出」

有人會想要一個對方為自己付出更多的人
簡稱「要一個錫自己多啲既人」

老實講，其實唔難
不過問題係既然你識諗「要一個錫自己多啲既人」
對方亦都有機會有相諗法

既然係咁，我覺得
「除非你已經做好左自己應該要付出的部分，先有資格去埋怨對方唔錫你」
否則
「你自己都未做好自己付出既部分，憑咩怪對方」

付出係雙方的，亦唔應該有限制
打個比喻
雙方合計10分「付出」分
有人會限制住自己「我係付出3分架姐，多啲我都唔付架啦，對方最好付埋果7分」

呢類人，唔配有人愛

當然，呢個世界係咁唔公平
大把呢啲自私人，搵到一個錫到自己燶既男／女朋友

不過既然唔係你身上出現啲咁既唔公平

繼續做好自己付出既果一部分，其他野已經唔係自己控制範圍，亦唔好埋怨

又做維修師傅

話說今日屋企停電
而我又放假
咁就同屋企人去飲茶
之後行下商場
再去M記食下薯條雪糕
十分寫意既一日

咁話說早排屋企人就拎左部雪櫃番來
其實好新淨，又大容量過屋企果部
咁咪換左佢囉
點知最近部雪櫃就唔係好凍
不過我一直都無時間整
咁難得今日放假咪用最有可能性既方式CHECK囉
我屋企人原本想叫我將舊雪櫃既「溫度調節器（俗稱老鼠尾）」換左新拎番來果部雪櫃果個
＝＝＝＝＝＝＝＝＝＝＝＝＝＝＝＝＝＝＝＝＝＝
其實舊雪櫃我已經換過一次
果時又係雪櫃唔凍，不過果次係上下格都唔凍
香港配一隻要過百蚊
我就膽粗粗拆出來
係淘寶上面搵隻類似既搏一搏
咁換完又真係得左
舊雪櫃咁就番生左
＝＝＝＝＝＝＝＝＝＝＝＝＝＝＝＝＝＝＝＝＝＝
不過今次既雪櫃有啲唔同
就係佢本身係夠凍
點解咁講？
因為上格仲雪到冰粒
但下格就成20度，傻的嗎？
咁我就同屋企人講
唔關老鼠尾事
因為佢本身製冷係無問題
下面唔凍得兩個原因
一、上面冷空氣落唔到去
二、散熱太差搞到下格熱力過高

咁明顯就唔係「二」啦
咁即係「一」
如果係「一」既話
咁兩個可能性
A 上落下既通道塞左
B  溶雪系統壞左

如果係B既話我知係咩來。不過我唔識換
A既話咪即管望下囉
咁就拆開左佢
如圖

就係因為咁樣塞住左條通道

正常人係會等佢慢慢溶

上D FORUM會見到咩停電兩三日打開櫃門

我就真係彩佢都有味，咁停法我雪櫃啲野就真係有味啦

咁就去左拎風筒開熱風吹溶佢

就係咁

雪櫃又回復生氣啦

溶完超新淨，好似新買番來咁

如下圖

不過唔知幾時先要再溶多次
如果太快要做多次既話
咁就係溶雪系統出左問題
就真係要換啦

唯有暫時頂住先
再觀察下



P・S
屋企人叫我去開維修鋪
我都唔知點應佢好

無數既吵吵鬧鬧

呢段日子入面
真係三日唔埋兩日都會因為大大小小既事而嘈
其實我明白對於佢來講唔係小事
因為佢真係好上心
其實佢都係緊張我
我係絕對明白
如果你問我點解不斷既吵鬧都係分手既？唔難頂咩？
呢個問題問得非常好
其實每一次吵鬧
YURINA都係好唔開心，果刻係真心想分手
如果我係果個時候分，其實係一件好易既事，亦唔使成日嘈

不過咁多次吵鬧我都無咁做
因為我真心覺得呢啲只係磨合同考驗
如果依家都唔努力去維繫感情
將來幾十年點樣過丫

其實我想講YURINA係一個好可愛既女仔
做女朋友真係一流
我做佢男朋友都覺得好幸福好正
咁好既女仔，我又點會咁易分手呢

同埋其實咁多野可以嘈係因為大家都坦白講出問題同發生咩事
佢好容易上心，但佢係一個唔記仇既人
情緒快起快落
最快紀錄係我最佢番屋企就激嬲左佢
但番到屋企就已經乜事都無

P・S
其實我呢啲成日激親人既人
因為辛苦晒佢
佢其實多次強調同我一齊好辛苦
我都希望佢唔使咁辛苦
早日前搵到一個大家都相處舒服既日子

今年既網聚活動

因為我有開台既關係
之前都有網友要求網聚活動
今年亦唔例外
不過今年有啲唔同既係
我將新舊既觀眾無分開出席
而係擺埋一齊
其實佢地兩班人係唔識
因為一班係班美國SERVER，另一班係玩台灣SERVER
係我為左方便而夾硬擺埋佢地一齊
代號「妄想犯罪（網上飯聚）」

咁出席既人當然有本地人同埋專程由美國番來既觀眾

其實呢度有個小插曲
因為成個活動得一個女仔。。就係之前美國既妹妹
而一開始呢位美國妹妹早幾日突然WHATSAPP我
問我幾時放假。。想約我食飯
YURINA知道之後就吵左一場大架
咁點解會佢知呢？因為我太坦白。。
美國妹妹一搵我
我就第一時間話左佢知
但我忽略左呢啲應該係大忌
由於「避忌」問題而吵大鍋
不過最後都無事

咁就成功去左網聚
網聚果日。。就先同YURINA行下教協
我第一次去教協。。原來都幾多野買
有機會真係要多啲去下先得

咁夠鐘就去網聚既地方
有一個網友平時已經似女仔俾人話佢HEHE
出到來真係聞名不如見面
堅係成個女仔咁。。言行舉止都係
原本食完我會去搵YURINA

不過最終都搵唔成。。
因為班網友唔俾我走
最終半夜1點幾先正式散BAND

DREAM HOUSE

早排至近排都討論緊同一個問題
就係居住

由當初傾住私樓變到居屋
到最近又變番做私樓

就係因為佢一份情有獨鐘既執著
呢樣係咩???
夠大??有露台??大衣櫃???化妝間???
通通都唔係...就係一個「套廁」
咩叫「套廁」...就係除左一間屋既公共廁所之後
主人房都會有一個私人廁所
住較新式既私樓既人就會明我講
「套廁」係居屋比較罕有

所以就係因為一個「套廁」就會將個住屋計劃由可以慳番地價費既居屋變番做私樓
咁點解佢一定要有「套廁」呢????
原因係有私隱WO
雖然我唔係好聽得明...不過唔緊要啦...
就搵有套廁既屋啦....

唔講大家都唔知...
我女朋友識自己設計間屋...
所以將來間屋既裝修設計會交俾佢主理..
有個乜都識既女朋友真係好幸福

新居奇異事件

話說呢半年來都會有大大少少既吵鬧
但奇怪既係...絕大部份都係發生係新居
有D野真係唔到你信..
其實靈異事件係無發生過
不過呢...每次大家係新居出現
總會有D吵鬧事件出現
明明無事既野都變到有事
但係呢
平時行街傾計食飯呢..
無係新居情況下就無呢D問題
仲相處得好好添

可能間屋唔係好夾女朋友


其實嘈既野係好唔實在
大部都係靠FF出來
但又覺得好真實..所以就會拎出來嘈
例如小同事件
又例如幫同鄉搵工事件

咁當然都有實在而又比較難解決既事
就係佢覺得拍拖都要自己解決需要..咁有男友同無男友有咩分別
其實呢個問題都傾左好多次..
解決唔到.....唯有盡量解決

小學聚會後遺症

話說上星期日係小學聚會
唔知幾多年一次既大型聚會

咁就好正常咁舉行啦
我都有俾個傻妹睇下D相丫咁

仲介紹埋幾個無出席當晚聚會既人

咁如是者

個傻妹發惡夢...真係唔知尷尬定好笑

佢個夢就是咁的

-----------------------------------------
一個小學同學上左我屋企
佢就係屋外面聽到入面翻雲覆雨
咁就開門入去
就見到我著緊褲
個小學同學就岩岩係廁所出來

咁個傻妹就好嬲咁走左
就一路走一路打俾EMI同傻仔
問佢地係咩人
之後傻妹就同佢兩個講「我地分手」
EMI同傻仔就話「係咪誤會，個小學同學唔係我杯茶..無咩可能一齊」
之後呢個傻妹番到屋企就見到我係度等緊佢...同佢講係誤會之類

不過佢最終都無接受解釋，仲BLOCK鬼左我

之後EMI就搵傻妹..同佢講..我同個小學同學一齊左...

咁呢個傻妹就喊到收唔到聲

喊聲左...仲以為係真既

係現實都以為係真既....
------------------------------------------


我聽完之後..真係唔知笑好定點好...
夢既野真係潛意識亂砌出來

搞左一大輪之後仲要我寫「同意書」內容類似唔可以分手之類...

其實聽完都幾窩心...
最少對方真係超級重視自己


P.S 個傻妹真係好鐘意發夢同發白日夢...平時都好多白日夢劇場

例如會FF我唔係佢男友..自己只係果D咩 PTGF之類

真係無佢咁好氣..哈哈哈哈哈哈哈

世界真細小小小

話說呢排女友去實習...

發現一個好神奇既野...

就係同佢一齊去實習既人..

竟然係當年係我個既觀眾來..

而呢位觀眾知道之後都覺得好神奇

無諗過一個唔打機既人...

竟然會識到一個打機既台主..

不特止...仲要係曾經既同班同學...依家又同一間大家...

亦係同一間實際

呢話呢個世界係咪真係細得好很緊要...太多的巧合

因了解而分開?

最近佢實習..
唔知係咪因為壓力太大
所以我覺得佢有D情緒化
例如放學既時候都仲好開心
但晚飯後就會粒聲唔出..一片愁雲慘霧咁
態度好似180度唔同左咁..
咁我當然都係好循例咁一句...「好地地發咩脾氣」咁啦
因為我完全又唔知發生左咩事...只係知晚飯前後唔同左

你地一定會話「係咪你晚飯做左D咩搞到人地嬲嬲豬丫」
嘩..世事都被你地看透...使唔使講埋得獎感受??

咁當然..事實係...就係因為佢壓力太大..
有野諗唔通沉淪左...所以一時唔開心..
佢想搵我傾架...不過佢見我對佢既實習唔在行...就無搵我傾

呢D都係事後問番佢先知...

就係呢個時候...佢彈左一句「你覺唔覺得我地好唔同..兩個世界咁」
我心諗「又來!?!?!?」
我話..兩個人相處...無人完全一樣...有唔同要磨合好正常姐...
佢又問..「咁你點睇因了解而分開」
即時既反應係



















不過好彩有急智...
用左一個好傻既比喻去講我既睇法
「果D人因了解而分開..
係因為大家相處完之後..
發現大家既特性真係點都相處唔到...
例如一個既特性係水...另一方既特性係油....
係正常條件下...水同油..無論你點溝都無用...
都係分開下好....水同油可以痴住邊貼邊..但溝唔埋...
就係果D因了解而分開..係隔離做下朋友算..」

佢又問...「你覺得我係咩丫」
我就繼續答...
「就係一粒比較大既白糖.....
水同白糖唔係溝唔埋..
但要用棍搞下佢囉...搞搞下就會溶得快D...
最後都會融合埋一齊....
只係要俾D時間同搞下.....
當然你見有人一開波就好似無咩問題果D...
佢地可能係糖漿同水...咁糖漿一倒落水度...
基本上就已經融埋一齊...唔使點樣搞....
但我講咁多野..都係想講...我地唔係水同油...所以唔使太擔心...」

就係咁...呢個世界又再次回復平靜
處處充滿生機啦


多謝大家收睇短篇劇場

什麼是拍拖?

以下內容涉及成人情節及粗俗言語，敬請留意

點解我會出呢篇BLOG??

話說我岩岩俾人激到係好撚想爆粗，因為唔知點解我好似覺得有人講極都唔撚明

有人話我覺得對方連「SP都不如!!!!」

嘩...呢句一出..真係不得之鳥.....我果刻係認為ON9到不行

點解我咁講???

我想問下大家...咩叫SP

唔好同我講其他解釋...(我有個朋友就係將一個詞作多種解釋)

我直接理解係SEX PARTNER...唔撚係SUPER PERSON

「連SP都不如」既話...即係俗稱對方係雞係公廁...

即係話見面除左SEX SEX同埋SEX之外...仲係既就係SEX既無限次方

無其他交流...就係見親都係得屌屌屌屌屌!!!!! ONLY

呢個就係我既理解...

我知大家一定會話

錯晒丫...大家錯晒...

呢個就係果刻咁嬲既原因..

就係因為我覺得拍拖既「相處」佔多數....「性生活」相對少

即係簡稱比較少性...咁何來見親都係屌屌屌屌屌...點撚樣「連SP都不如」丫

果刻大家都好激動....我有我激動..佢有佢喊...

我聽完佢講「連SP都不如」之後...

(上下刪一億字)

我話「認真到自己都想爆粗」

之後佢問「咩叫認真到想爆粗」

我竟然真係走去同佢講

「岩岩你話我覺得你原來連SP都不如，我心入面好直接咁請左句，屌!點解講極都唔撚明」

之後再補多句「我心入面果刻係咁諗，但我無心...對唔住」

嘩...呢句真係世界級..

佢竟然由喊變成笑....明明好SERIOUS既野....變左做笑點..

佢笑既原因係「為左潛在爆粗而道歉，唔好笑咩，明明都無講，諗下都要講對唔住，想LAUGH DIE ME咩)

就係咁....

氣氛緩和左......

春天來到...

鳥語花香....

百花齊放....

大地再次充滿生氣.....

夏天繼續為大地帶來美腿咁...

一個字，爽.......晒

=====================================================================

以上都唔係重點...

重點係下面...

我地其實都為左呢D事而「討論」過多次不果

因為我唔認為係「嘈」...完全就無諗過要開火

當然對方唔係咁認為...

講真...拍拖對我來講...相處係好很重要既.....「性」反而佔少D

大家唔使做道德撚...現今世代就係咁...

什麼婚前性行為....怎至FRIEND前性行為...已經唔係咩新鮮事

我地「討論」係因為發現大家拎唔到個「平衡點」

我不嬲都主張「咩都攤開來講」

但今次講完之後...我先發現....

攤唔開來講既係我....

原來個腦裝屎既係我...

拍拖要拍得穩定...一定要有「共識」...如果做唔到..就一定出事

但達到共識都唔係易事...因為真係要大家好坦白....

稍為講得唔夠清楚...就會引起不必要既猜測同對方唔知你諗咩

經一事蔡一智啦...

==========================================================

呢排有朋友連出幾篇野都係關於「愛」同埋「我愛你」

我唔直接答你..我用例子答你

無錯...「我愛你」呢3個字用口講...好容易...有邊個唔識...下下掛係咀邊都仲得...但有咩意思?

「我忍你」就真係要做....

因為真正既「愛」係「包容，關心，體諒，忍讓，遷就....等等」

簡單來講...「鐘意」一個人係基本對方既優點或者某D野吸引力...但唔會因為差既野而「鐘意」

但「愛」一個人..係要包容埋對方差既野...有D野都係要「忍」...

仲「忍」到...係因為仲「愛」....

當你有日唔再忍對方既時候，就代表你已經漸漸無咁愛...怎至唔再愛佢

回鄉食飯

星期四一早就出發番鄉下
因為星期中午要食麻麻的生日飯
雖然麻麻年事已高...不能同台食飯

以往我番去探麻麻...佢只記得出香港前的我
不記得出香港後的我......今次亦唔例外...
不過咁...唔記得還唔記得...望下探下都係心意來既

以往既生日飯會就番D人番工番學...通常係星期日搞
今次就揀正日...好似話係因為要就話「造酒」既人時SCHEDULE
我解釋下咩叫「造酒」先
咁正常一班人去食咪叫「擺酒」既...
簡單講「造酒」就係造一圍10人份量既酒菜
咁以往就做3圍左右...包埋D要番學既人...
今次因為佢地真係要番學...所以就只做2圍
咁造得酒就緊係可以媲美酒樓果D菜色啦

咁點解我地要揀「造酒」
兩個原因...
1. 酒樓一圍酒既價錢可以「造」兩至3圍酒
2. 有地方請到人來「造酒」就無必要去酒樓食丫

兩圍酒..又唔係大排筵席十幾廿圍...對BU對


咁D菜色其實無乜問題....係我發炎「開不了口」...
唔係好食到野...SOSAD
我開左口..個範圍連一隻手指既粗度都放唔入丫...陰公

咁今次D親戚一如既往「拍左拖未」
以往既我...一定會答「搵日丫」
不過今次我答「拍左」
佢地一聽到就話....「幾時請飲」
我又答番..「搵日丫」...哈哈
佢地就話「又搵日...搵日唔係問題....記得通知聲丫」

成個食飯過程都係一個歡笑聲之下渡過

小小分享既續集

上回講到「坦承」係好重要

可能有D人唔明...其實我想講坦承真係維繫一段感情最基本既原則
就係俗稱既三口六面講清楚佢

但原來要講清楚都唔係咁易....因為當中包含住好多學問
例如講野果時既TONE啦....往往明明你係講緊事實既真相
但對方會因為你講野既TONE而繼續誤會你
所以要「坦承」都唔係咁易

小弟就係呢種「坦承」既方面磨合左好耐
明明就已經坦承左，但換來既唔一定係你預期既野

相處真係一門好高深既學問


PS: 上回有個傻仔回應左手同右手既微妙關係 (大家千奇唔好誤會...因為佢個名真係叫傻仔)
呢種微妙關係真係十分微妙....因為如果雙手或雙腳「唔協調」
都係做唔到你想做既野..所以大家都要多D同自己既「雙手」或「雙腳」多D溝通
坦承多點


長路漫漫是如何走過　寧願讓樂極忘形的我
離時代遠遠　沒人間煙火　毫無代價唱最幸福的歌

XANGA的「被讀後感」

話說U WIN LA係好奇心驅使下
睇晒我當年XANGA既BACKUP
(迷之聲:你唔怕佢睇完亂諗野咩!?)
怕架...所以我話想睇都得..但第一件事就係唔可以「身同感受」同埋唔可以亂諗野
當然事與願違...個傻女仲喊到收唔到聲
今日仲同我講...「我覺得自己好似做左第三者搶左人男友咁T.T」
我心諗:「嘩...做乜好似拍TBB咁!?!?!?事實係RAP:過去既事就係過左去既事..付予澀字更深層義意(請參與MC JIN既LEMON TEA廣告RAP」

我:「係時候番來現實啦....睇D野搞到同現實混淆左」
佢:「我抽離唔到T.T....不如你繼續等你EX啦」

我再次心諗:

















當場要努力幫佢番返現實啦..

無錯..你地真係無睇錯...U WIN LA真係一個「水造」同埋超易「感同身受」既人
睇咩都可以代入角色
*PS. 所以我都等緊佢D短篇小說...哈哈

不過佢真係幾可愛既一個人...開心果時成個小朋友咁
聲底又靚....唱廣告歌一流...我一早俾佢既廣告歌洗左腦..


不過XANGA事件之後....有小插曲
就係因為佢想了解我係一個點既人...所以就想睇下我過去係點
佢發現左一個驚天大秘密....就係話XANGA入面既我好簡單...
但現實就成日都唔知我諗緊咩

D問題真係一次比一次難答...不過我「殼褲伍居」
呢D問題點會難到我....一言既之若

咁我當然係照直講....
咁我就話...其實現實既我真心唔識表達自己
你睇我既XANGA其實係內心透過文字既一種表達方式
就好似寫日記咁....寫日記果時就係表達緊呢樣野...
但果篇日記當日既現實....當然係同日記既內心讀白唔到..

我諗大家都有過同樣既類似日記表達方式
但咁唔代表「表裡不一」只係表達方式唔同


識我既人...其實都知我講野19999999...語言表達唔係咁好
往往都要俾好多時間去聆聽我講咩...先會明我講咩


小小分享
================================================
因為我不嬲都認為坦承相處係最好...
大家都收埋收埋既話...好易有誤會...而就算係好小既誤會...
因為無攤出來大家拆掂佢....日子一耐就會積埋積埋
到時好易就會爆發....
例如有一日因某事鬧起交上來...雙方因為「火車眼 (火遮眼)」
就會唔理「三七廿八」，「四九唔識一」咁互數過往既不事
「你丫...你乜乜乜乜乜丫」
大家就會心諗...點解一直都無聽對方提過既...原來對方一直係咁認為架!?!?

咁到爆果時先發現就真係太遲啦...

詳情我唔向大家解說...如果唔係打到2046年都未打完篇BLOG..

=================================================

如花是怎樣練成的

有人問咩係「溫室小花」
我唔直接答你，我用例子答你

一朵花係溫室入面，受盡保護
溫室外面有幾凍，幾熱，大風，大雨，落雪，山泥傾瀉都好
呢朵花都唔會知，所以係成長既過程中
只會知自己有幾舒服，今日天氣「幾咁好」
因為有咩事都係溫室受晒，溫室唔俾小花受到傷害

但日子耐左，小花長大了，溫室不能再保護佢
小花被移植到溫室外面既土壤種植，因為小花長大變左如花
無左溫室會點？
無野既，得閒會受盡風吹雨打，熱煎冷熬咁囉
其實只係好「普通」既天氣來
但小花太習慣以前既「風和日麗」，一時三刻難以接受呢啲咁「普通既天氣」

其實溫室小花只要習慣番出面既天氣
就會同溫室外既花木草木一樣，拙壯成長
一樣可以爭艷鬥麗

新年新希望

話咁快就又新一年啦

回望過去一年，我做過啲啦？我已經唔記得左

通常我已經分享左既，我就會拋諸腦後

就好似當年一啲諗頭，同人分享完之後，過一段時間我已經唔記得個諗頭係咩

你話係咪好傻仔

好啦，言歸正傳

話說新年我放左幾日假，我啲親戚基本上都係鄉下

不過我無番去過年，細個可能會番下，但廿幾歲開始都無咩點番

因為我唔想好似伸手問人攞錢咁

好日都無番鄉下，新年就走番去攞錢？當然我信我親朋係唔介意派俾我呢個老鬼

基本上番得去都係有事要幫手處理

屋企人年紀大啦，慢慢我都要理多啲

上年屋企都有象徵式擺個「全盒」

今年係乜都無，只係大掃除完就算，連揮春都無貼

同平時可以話完全無分別

所以新年既意義就係「你丫，又大一歲啦」做好新希望未

好啦，依家我就話你知我新年有咩新希望

好簡單，心想事成

至於心想咩？未諗到

諗到再話你地知

祝大家新年快樂，最緊要身體健康

最近都幾多人病

SWEET MOMENT

以下內容涉及SWEET情節
屬於「PG伴侶指引」類別 (Partnership Guidance Recommended)
敬請留意....





即係咁...話晒都係第一個情人節..
不過我果日就要番工...
Yurina就來左接我收工...
之後去左一間食豚肉烏冬幾出名既地方
好似叫「慢臀屋」

之後緊係去送禮物啦..是唔是咁講呢
送左一個佢睇中左又好鐘意既BACKPACK俾佢..

咁之後諗去睇下有咩戲睇啦...
一定係D人太識買位...就係得番單丁位...唔俾你兩個人坐既...
咁就周圍行下睇下野啦..
之後就番屋企啦..




(迷之聲: 說好的SWEET呢???)

你真係心急...其實我上面講既野無咩重點
重點係下面...

登..登..登登....

係KEYCHAIN丫...
一個米你老鼠既KEYCHAIN丫!!!!!!!!!!!!!!!!!!!!!

講笑姐...其實係兩個砌埋一齊變心心既KEYCHAIN....
勁SWEET...又係YURINA親手一針一線縫製出來....

開心到傻左..點算...

唔抵得我有得閃爆你地????..

咁無辦法..唯有習慣下我繼續放閃....

搞機

話說咁多年來
幫人砌機就砌得多
教人砌就真係好似無
因為通常D人搵我砌機都係想快快手手搞掂

好難得YURINA既電腦壞左好多年
而有心思思想砌新機
砌新機都唔係重點....重點係佢一直想學砌機好耐

所以星期五一早由大陸趕出來
下午就同佢去買料砌
咁佢咩都唔識...當然由我話事
係腦場行個圈...一開始就緊係根據我自己出既LIST QUOTE個價先啦
之後就拎住張LIST同QUOTE出來既價周圍行下
成個場行左個圈之後..發覺個價只係比我QUOTE既價差一兩百唔到
其中仲有鋪夠膽死威脅我

我:「呢個價..我都係再睇下先」
職員:「咁你心水價係幾多...出面跟你呢張LIST既話...一定做唔到呢個價你...佢一定會改左其他平D既料」
我心諗:「你俾到我即係你同出面一樣啦」
我:「差果少少..我都係再睇下先」
職員:「咁你想要幾多...睇下做唔做到俾你...盡做」
我:「都係行下先」
職員:「我唔會俾人行下先架WO....一係依家傾好價...你出左去番轉頭就唔係呢個價」
我:「我都唔會俾人威脅架WO...我出左去就唔會番返來你度」

就係咁..我頭也不回咁走左...

既然價差唔多...我都係去番我平時買開果間算
咁買好晒料就去搞機

YURINA一教就識...果然係聰明女
就係咁...佢人生第一部自己砌既機就誕生左...
幫佢裝埋WINDOWS就送到佢樓下

終於有新電腦用...非常好=]