逼~拾派是

我諗都諗唔到我會收到一份咁貼心既聖誕節既禮物

又靚又實用...

我收到果刻...真係唔敢相信眼前既事實

超正...不能用筆墨所能形容

係一份HAND MADE既銀包
我覺得比出面所謂既名牌銀包更加貴重
因為入面存在左一份心意
係一份一針一線既心意
仲要做到好靚
我見到之後，其實我唔係好捨得用，因為太靚
事隔兩日，我平伏左之後，終於捨得用呢個咁靚既銀包

你地可能會問
人地送咁有心機整既銀包，咁你又送左啲咩俾人丫
小弟不才，勞作比較差，唔敢送HAND MADE野
所以送左一樣佢好耐之前就睇中既野
我希望佢都鐘意呢一份禮物啦



題外話：
話說小弟好少收聖誕卡，禮物就更加唔使講
但係呢兩年我都收到同一個小粉絲寄來既聖誕卡同禮物
我都唔知可以講咩好
因為我係回唔到禮，我唔知佢叫咩名咩樣同住邊
一年前都會睇下個我台
但今年期實無乜見佢出現，竟然都收到
這是另一樣逼～捨派是

柬埔寨之旅

相信好多人都想睇我係果度影既相
但我仲未執相，所以今次無圖 （唔使問候我屋企人，我全家都好健康）

今次就去左4日
第一日係大圈
第二日係外圈
第三日係小圈
第四日係崩密列

照我所見，其實古蹟既風格都係差唔多
咁就請左當地導遊帶我地去呢啲地方
4日既導遊接送費USD200 （私家車，非TUK TUK）
我地4個人分，平均每人俾100蚊港幣一日左右啦
係食方面，除左遊客區既價錢同香港差唔多之外，其他都好平
因為我地叫左當地導遊帶我地去試當地人食既野
就以烤肉來計，遊客區果餐食左USD 6X （亦係最盡一餐，就算係酒店叫ROOM SERVICE都無咁貴）
咁導遊帶去當地人食既地方就USD 3X，包埋導遊食果份錢係入面（因為我地請埋佢食，但USD 6X果餐係無導遊既）
咁我地酒店就離夜市唔夠10分鐘路程（以TUK TUK計）

東南亞果然係黃色事業興旺
因為係夜市，一經過有TUK TUK既地方
佢地就會問TUK TUK？
如果你唔理佢，佢就會話BOM BOM？30 USD （兩隻手會做出吉吉動作，令你明白係咩來）

柬埔寨冬天既溫度都係32度
如果坐TUK TUK去景區，真係爽到無得頂
所以我係酒店既活動係去SWIMMING POOL浸水，同埋踩單車
我啲同行者就去做SPA（有無特別服務就唔知了）
你一定會問我點解唔JOIN埋
因為我去就真係DUP「骨」，俾錢叫人打自己一身，真係傻的嗎？
所以一啲興趣都無
不如你俾錢我打你一身仲好啦，是唔是咁話先

長話短說
講起買SO FUNNY AR
其實同泰國差唔多。。。都係乜干物干，同埋象既野
唔夠物色。就唯有叫導遊帶我地去當地人既市集買MADE IN CAMBODIA既野

另外當然唔少得特別為女友而做既手信啦
你地想知啦？偏唔話你地知，總之就係好有意義既野來

權力使人腐敗

執掌網頁咁耐
咁多年來，大大小小各式各樣既既網頁都玩過
見證住好多人有左權力之後就變左質

我唔否認係現實世界，有野心既人會容易成為成功人士
但係網絡世界，有野心既人就難啲

話說小弟有個網站無咩時間打理
就交左俾一位人兄打理
都打理左一段時間
有好有唔好
琴晚提出左個要求
就係要我「交個權出來俾佢搞」
仲要加多句「信佢。。一定佢搞到有聲有色」

我簡單回應一句「咁你即係想坐埋我個位啦」
佢就話係「代為處理執行，唔係想坐我個位」

其實意思好明顯就係架空我
如果係古時，呢啲叫「篡位」
早就應該拉出去BAM

其實呢位人兄係好幫得手
奈何佢對「階級」睇得好重
亦鐘意做命令人果個
所以佢係網站入面既「人事處理」做得好差

呢個係佢既致命傷
「民以食為先」，「事以人為本」
人事處理得唔好，啲野做到幾好都無用

呢樣就係我一直唔交權既理由

或者你地會話我傻仔
有個咁幫得手既人都唔好好對待
當年劉備劉邦都係靠「有能之士」幫手先得天下


對的，但問題係依家有人唔想做劉邦劉備身邊既「有能之士」
要自己個項羽曹操呢


我講左啲咩？自己參透

下一站~幸福

正所謂「大難不死~必有後福」

我就話「失而復得~必有幸福」

我終於結束左4年半既單身之旅....踏入第5年......................(啋~~~TOUCH WOOD講過)

我都未講完....我係話「踏入第5年之前...我脫離左單身一族」

我知你地會問~點解咁突然既

即係咁...我一直都覺得呢個女仔既性格好好...係我想要果TYPE

只係一直都未見過面...係現實生活唔知落差有幾大...

係網絡世界既我...一早就當左佢係另一半咁看待...

(唔係掛,...咁到得!?!?!?!?)

係丫...可能我比較宅同毒....所以生活係FF既世界入面啦..

===================================================================
就係咁...無幾耐....王子同公主就好快樂咁係生活

多謝收睇「隔淋同畫」既「美女與野獸故事」

完~~~~~~~~~~~~~~~~~~~~~~~






















你就想....我仲有少少想講

呢個女仔俾到我好WARM好SWEET既感覺....

就係佢知我平時番工帶番...無湯水

專登係「熊蝠螳」買左一D湯水套票之類既野

話俾我有湯水滋潤下...無咁DRY

嘩....真係細心到呢....不能用筆墨所能形容

所以話就話佢平時份人係大頭蝦左D...好易成日唔記得野

但呢D位既細心程度無得輸...

失而復得

話說我15/11零晨唔見左銀包
唔知係跌左定係俾人扒左
但我18/11就要番大陸
如果唔係咁趕番大陸
其實我會揀遲D補領證件
咁我為左用左大筆錢補傾證件
因為係「800里快馬加急」再「1600里快馬加加急」
馬都跑死左幾隻先送得到來...
簡稱「即日辦妥」

為左18號可以成功走佬
我16號就搞身份證
17號就搞回鄉證
18號就如常出發


到我出番香港果時
收到VOICE MESSAGE
18號「中央郵件中心」打來既..
話執到有個疑似我既銀包
叫我去領取
大家可以放心..唔係詐騙電話
因為係我打去備案再先
係16號辦公時間就打左去備案

咁今日去左領銀包
除左別人可以拎來用既野之外
全部野都係番晒係度

呢件事話俾大家知
其實唔見野
除左報警之外
仲可以同郵局備案

有良心D既會拎晒值錢既野掉落郵筒
無良心既就拎晒值錢既野掉落垃圾筒

LOGIC是咁的
你拎個銀包去POLICE STATION OR 交俾POLICE
一定會問長問短
重點係..入面D值錢野唔見左

所以最方便就係附近既郵筒 或 垃圾筒

哪怕被世俗遺棄

琴晚係腦海中呈現左呢首歌
我嘆息左幾下
回望過去數十載
其實都只是在原地踏步

早幾日我開台
有人PHONE IN
都唔算PHONE IN既
係我個台到用文字描述
咁既然有人PHONE IN 講心事
當然要盡下人事
邀請幾個特別嘉賓同PHONE IN者交流文流，互動互動下

個故事就好似「你係阿希???你真係阿希???哦~~~~你係阿希....」
估到都會係我個台到出現
其實我既開心又安慰
開心係因為事主搵到真愛
安慰係因為幫到事主搵番佢自己既取向
佢由初頭唔知自己想點
到依家開始知自己想點
仲話俾我地知....同我地傾完之後
煩惱少左好多

咁你地話係咪一件值得開心既事


利申:功勞歸特別嘉賓吧...因為我都只係聽眾之一

重生

小弟應該有3年以上無打過BLOG

最近有人叫我打番BLOG

想偷窺我既近況喎

咁唯有免為其難咁打下BLOG啦

話說星期五小弟放假

咁我大學同學既IPHONE又今日送到

佢地唔得閒收

就叫我去佢地屋企代收

多左間屋自出自入。。點睇XDDD

收晒機就出先達放

首日掛牌。。部分IPHONE已跌穿招股價。。。果然勁

自己果啲10月中先到。。都唔知咳唔咳好

(咳又驚痰多。。。唔咳又唔自在。。。)

咁就行左好幾間舖。。。同埋門口既檔口

終於唔使以跌穿招股價賣出。。。都係好事來既

我都係幫人放姐

之後就去左小同GATHERING

雖然我一早知有咩人出席

但我都要提下

咩叫兩個人為一個單位

攞景定贈興。。講笑姐

我都好開心大家帶另一伴同我補祝生日

佢地話我春風滿面左。。。(誇張。。)

仲話感覺到當年既FF番左來

(好心你幾廿歲人就唔好FF咁多啦。。)

之後我解釋左原因

因為我最近識左一個好好傾既人

點解我咁講？

因為打破左我WHATSAPP有史以來數量

(其實係我WHATSAPP無人搵我XDD)

呢個女仔好高質。。又唔嫌我廢柴同煩膠

所以我同佢無所不談。。傾得好開心

(傾完之後。。人又高左。。大隻左。。靚仔左)

大約講完基本資料之後。。

大家都好認同我既睇法。。就係高質

文學修養又好。。又有藝術氣息。。

人品又好。。。脾氣又好。。。性格又無得輸

入得廚房。。出得廳堂。。

佢地話我識到咁高質既人

要練好啲文筆。。襯番起人

相比之下。。我又真係乜都唔OK

我都覺得我襯唔起人

所以都係自己FF下。。開心下就算

都幾期待之後見面

可能見完就會比人BLOCK左

之後又回復番過往幾年既行屍走肉既頹廢生活

So I say the little prayer
And hope my dreams will take me there
Where the skies are blue, you win la~~~ again... right now.