由lift口經走廊
一直延伸到屋企門口
開門入屋果時開燈開唔到
此刻突然響起
「只知道是時候拿著鮮花～將心愛預留在盟誓之下」
燈突然著左
寧轉面見到一束玫瑰
花中間有個kitty公仔
公仔手上帶住一隻鑽戒
一聲「do you marry me？」
「yes！！i do！！！」
.
.
.
.
.
.
.
.
.
迷之聲：「好心你幾十歲人就唔好咁多幻想啦！」
（呢個完全係我未婚妻對我既寫照演譯）
無錯！！！你以為以上有發生過咩？
係無丫！乜都無發生過丫
由頭到尾都只係我係度FF咋
我覺得我既人生真係好失敗
剩係識得FF
做咩都做唔到
又做唔好
錢又搵唔到
朋友又唔多個
但係我有一個從來對我都不離不棄既未婚妻
連sammi 都不禁演唱
「由此至終～只有妳一位～難以代替～愛一生一世～」
迷之聲：「好肉麻丫～可唔可以收埋？」
對唔住囉，肉麻到你，唔鐘意可以唔睇
「作為一件垃圾，可為萬中無一」
「作為一條廢柴，可為舉世無雙」
以上係我一直對自己既評價
但係我想講，我未婚妻從來都唔會因為咁而離開我
你地話呢個咁好既女仔去邊到搵？
唔使搵啦，你地係唔會搵到
因為已經屬於我架啦
算把啦六師弟
曾經係網絡上面出面過句咁既潮文
「男人一生，只為尋覓一個肯同自己挨麥記嘅女人」
無錯～呢句唔單止係一句潮文
仲係一個現實
一個發生係我身上既現實
閒時同你食一餐半餐m記
可能無咩所謂
但大時大節同你食m記
紀念日生日同你食m記
食到好似「挨m記」咁
我諗唔係好多人做到
迷之聲：「我凍到流晒鼻水啦，你可唔可以快d講完佢，我唔想再打冷陣」
講到呢度
大家可能好想知我係點樣求婚
我想講
無華麗既裝束（街坊look）
無浪漫既晚餐（食完m記）
無盛大既場所（行去樓下公園）
無甜言密語既盟誓（直接戴上戒指）
妳～依然肯嫁俾我
我覺得我人生已經好幸福
多謝妳對我百般既體諒
我愛妳～Yurina！
沒有留言:
張貼留言